Este primeiro encontro centrouse en comezar a definir as actividades concretas que formarán parte deste evento. O intercambio de ideas serviu para reforzar as complicidades dentro do ecosistema da economía social galega e española, co fin de xerar oportunidades de desenvolvemento a nivel nacional, coa capital galega como epicentro. En definitiva, desde Santiago e ao longo dos próximos meses, estudarase o presente deste sector económico tan enraizado na sociedade para potencialo ao máximo nos próximos anos e que esta capitalidade sirva como claro referente para as próximas.

Con este fin, as actividades que se celebren neste 2022 conxugarán a potenciación da parte produtiva que todo sector económico debe ter coa necesaria capacidade divulgativa para que a sociedade que lle dá sentido saiba das virtudes da economía social. Sempre desde o convencemento, xa comprobado, de que quen a coñece pasa a ser parte dela.

“Queremos empezar canto antes os traballos para a posta en marcha das actividades que se van a desenvolver con relación a esta capitalidade”, indicou Sánchez Bugallo, que aproveitou novamente para agradecer a elección de Compostela. “En Galicia as empresas de economía social xogan un papel relevante, con máis de 25.000 empregos efectivos e é en Santiago onde teñen un maior desenvolvemento e onde está a sede da maioría. Cremos que adecuado e oportuno e estamos moi contentos pola designación” como capital española da economía social, recalcou.

Pola súa banda, Celso Gándara, presidente do Foro pola Economía Social Galega, volveu a insister na importancia da “capitalidade” galega porque, sinalou, “estamos seguros de que contribuirá a que se recoñeza a economía social como antídoto contra a desigualdade social e a fragmentación territorial”.

Gándara destacou na reunion o momento de “ebulición” deste sector en Galicia, con exemplos de “éxito empresarial que traspasaron as nosas fronteiras.